UNIVERSITY OF HEALTH SCIENCES - HMONG STUDENTS 2007-2008

ເລັກໆນ້ອຍໆກ່ຽວກັບ ປະສາດຫົວ12 ຄູ່, ໜ້າທີ່ຂອງມັນ ແລະ ການປະເມີນຕີລາຄາ

ປະສາດຫົວຄູ່ທີ່ I (olfactory nerve) ຄູ່ປະສາດນີ້ແມ່ນປະສາດຮັບກີ່ນ.ການກວດປະເມີນຄູ່ປະສາດນີ້ແມ່ນການບອກໃຫ້ຄົນເຈັບຈໍາ ແນກກີ່ນທີ່ແຕກຕ່າງກັນໂດຍການລັບຕາແລ້ວດົມເອົາກີ່ນທີ່ນໍາມາທົດສອບ
ປະສາດຫົວຄູ່ທີ່ II (optic nerve) ຄູ່ປະສາດນີ້ແມ່ນປະສາດນີ້ແມ່ນໜື່ງໃນຈໍານວນປະ ສາດຕາ, ເຮັດໜ້າທີ່ໃນການ ຄວບຄຸມການເບີ່ງເຫັນ. ການກວດປະເມີນຄູ່ປະສາດນີ້ ແມ່ນຕ້ອງໄດ້ໃຊ້ແສງພິເສດ ແລະ ເຄື່ອງມື ເຂົ້າຊ່ວຍໃນການທົດສອບ.
ປະສາດຫົວຄູ່ທີ່ III (oculomotor nerve) ຄູ່ປະສາດນີ້ແມ່ນປະສາດນີ້ແມ່ນໜື່ງໃນຈໍານວນປະສາດຕາ,ມັນເຮັດໜ້າທີ່ໃນການ ຄວບຄຸມການເຄື່ອນໄຫວຂອງໜ່ວຍຕາ ແລະ ການ ປັບຂະໜາດຂອງວົງຕາດໍາ. ການກວດປະເມີນແມ່ນ ການກວດການຕອບສະ ໜອງ ຂອງວົງຕາດໍາຕໍ່ແສງ ແລະ ໃຫ້ຄົນເຈັບເບີ່ງໄປຕາມແສງທີ່ຜູ້ກວດເຍືອງມາໃສ່ ຕາ, ໂດຍ ຜູ້ກວດຈະເຍືອງໄປ ຕາມຫຼາຍທິດທາງ ເຊັ່ນ: ຂື້ນເທິງ, ລົງລຸ່ມ, ໄປທາງ ຂ້າງ … ແຕ່ຫົວຂອງຄົນ ເຈັບຕ້ອງຢູ່ກັບທີ່ ບໍ່ຫຼຽວໄປຕາມແສງ.
ປະສາດຫົວຄູ່ທີ່ IV (trochlear nerve) ຄູ່ປະສາດນີ້ແມ່ນປະສາດນີ້ແມ່ນໜື່ງໃນຈໍານວນປະສາດຕາ,ມັນເຮັດໜ້າທີ່ໃນການ ຄວບຄຸມການເຄື່ອນໄຫວຂອງໜ່ວຍຕາ.ການກວດກາແມ່ນກວດພ້ອມກັບການກວດ ປະສາດຄູ່ທີ່ 3. ຄູ່ປະສາດຫົວທີ່ 4 ນີ້ແມ່ນ ເຮັດໜ້າທີ່ຮັບຜິດຊອບກ້າມຊີ້ນງ່ຽງ ຂອງຕາ. ດັ່ງນັ້ນ, ເວລາກວດຕ້ອງໃຫ້ຄົນເຈັບເບີ່ງ ຂື້ນລົງຕາມທິດທາງງ່ຽງ.
ປະສາດຫົວຄູ່ທີ່ V (trigeminal nerve) ຄູ່ປະສາດນີ້ເຮັດໜ້າທີ່ຫຼາຍຢ່າງເຊັ່ນ: ຄວາມສາມາດໃນການຮັບຄວາມຮູ້ສຶກຢູ່ໃບ ໜ້າ, ຮັບຄວາມຮູ້ສຶກຢູ່ດ້ານໃນຂອງປາກ ແລະ ຮັບ ຜິດຊອບກ້າມຊີ້ນໃນການ ຍໍ້າອາຫານ .ການກວດກາຄູ່ປະສາດນີ້ແມ່ນການໃຊ້ວັດຖຸທີ່ ເບົາ ແລະ ອ່ອນ ເຊັ່ນ: ສໍາລີ, ວັດຖຸມທີ່ປູ້ ຫຼື ແຫຼມ…ມາສໍາພັດກັບໃບໜ້າຂອງຄົນເຈັບ ໃນຫຼາຍບ່ອນທີ່ ແຕກຕ່າງກັນ ແລະ ເບີ່ງການຍໍ້າຂອງຄົນເຈັບ.
ປະສາດຫົວຄູ່ທີ່ VI (abducens nerve) ຄູ່ປະສາດນີ້ແມ່ນປະສາດນີ້ແມ່ນໜື່ງໃນຈໍາ ນວນປະສາດຕາ,ມັນເຮັດໜ້າທີ່ໃນການ ຄວບຄຸມການເຄື່ອນໄຫວຂອງໜ່ວຍຕາ. ການ ກວດຄູ່ປະສາດນີ້ແມ່ນ ບອກໃຫ້ຄົນ ເຈັບຫຼຽວໄປຕາມແສງໄຟທີ່ເຍືອງມາໃສ່ ຫຼືເບີ່ງໄປ ຕາມນີ້ວມືຜູ້ກວດ, ໂດຍທີ່ຫົວ ຄົນເຈັບຕ້ອງຈື້ງຢູ່ບ່ອນເກົ່າບໍ່ໃຫ້ໝູນໄປນໍາ.ທິດທາງການເຄື່ອນໄຫວຂອງຕາມແມ່ນ ໄປທາງຂ້າງອອກດ້ານນອກ.
ປະສາດຫົວຄູ່ທີ່ VII (facial nerve) ຄູ່ປະສາດນີ້ແມ່ນປະສາດນີ້ມັນເຮັດໜ້າທີ່ຫຼາຍຢ່າງ ເຊັ່ນ:ການເຄື່ອນໄຫວຂອງກ້າມ ຊີ້ນໃບໜ້າ, ການຮັບລົດຊາດ. ການກວດກາ ຄູ່ປະສາດນີ້ແມ່ນບອກໃຫ້ຄົນເຈັບ ຈໍາແນກລົດຊາດທີ່ເອົາມາທົດສອບເຊັ່ນ: ລົດຫວານ, ລົດ ສົ້ມ, ລົດເຄັມ, ລົດ ຂົມ…. ນອກນັ້ນຕ້ອງກວດກາການເຄື່ອນໄຫວຂອງ ກ້າມຊີ້ນໃບ ໜ້າເຊັ່ນ: ໃຫ້ຄົນ ເຈັບຍີ້ມ, ປຸ້ງແກ້ມ, ຍີ່ງແຂ້ວ, ຜິວອອກສຽງ….
ປະສາດຫົວຄູ່ທີ່ VIII (acoustic nerve) ຄູ່ປະສາດຫົວນີ້ແມ່ນເຮັດໜ້າທີ່ກ່ຽວກັບການ ໄດ້ຍິນ ແລະ ການຊົງຕົວໃນການ ເຄື່ອນໄຫວ. ການກວດກາຄູ່ປະສາດນີ້ແມ່ນຈໍາເປັນ ຕ້ອງໄດ້ໃຊ້ເຄື່ອງມືເຂົ້າຊ່ວຍ, ນອກຈາກວິທີທໍາມະດາທົ່ວໄປ ເຊັ່ນ: ການຮຸກສີນີ້ວມື ເບົາໆໃສ່ຫູຄົນເຈັບ, ການປະສານງານຂອງຄົນເຈັບ ເຊັ່ນ ການຍ່າງເປັນຕົ້ນ….
ປະສາດຫົວຄູ່ທີ່ IX (glossopharyngeal nerve) ຄູ່ປະສາດຫົວນີ້ແມ່ນເຮັດໜ້າທີ່ ກ່ຽວກັບການຊິມລົດຊາດ ໂດຍສະເພາະແມ່ນຢູ່ລີ້ນ ສ່ວນຫຼັງ. ການກວດກາແມ່ນໃຫ້ຄົນ ເຈັບຈໍາແນກລົດຊາດທີ່ເອົາມາທົດສອບ ໂດຍ ສະເພາະເວລາເອົາອາຫານມາໃສ່ບໍລິເວນກົກລີ້ນ.
ປະສາດຫົວຄູ່ທີ່ X (vagus nerve) ຄູ່ປະສາດຫົວນີ້ເຮັດໜ້າທີ່ຮັບຜິດຊອບການກືນ, ການກະທົບຕອບເວລາມີວັດຖຸລົງ ຄໍ, ຮັບລົດຊາດ, ຄວບຄຸມການອອກສຽງເປັນຄໍາເວົ້າ. ການກວດກາແມ່ນບອກໃຫ້ ້້ຄົນເຈັບກືນ, ໃຫ້ຄົນເຈັບແບລີ້ນເພື່ອທົດສອບການກະທົບຕອບ….
ປະສາດຫົວຄູ່ທີ່ XI (accessory nerve) ຄູ່ປະສາດນີ້ແມ່ນເຮັດໜ້າທີ່ຮັບຜິດຊອບ ການເຄື່ອນໄຫວຂອງບ່າໄຫຼ່ ແລະ ຄໍ. ການກວດກາຄູ່ປະສາດນີ້ ແມ່ນບອກໃຫ້ຄົນເຈັບ ໝູນຫົວຈາກຂ້າງໜື່ງໄປຫາອີກ ຂ້າງໜື່ງ ເພື່ອຕ້ານກັບແຮງຍູ້ດັນຂອງຜູ້ກວດ ແລະ ບອກໃຫ້ຄົນເຈັບຄືງບ່າໄຫຼ່ ່ເພື່ອຕ້ານກັບແຮງກົດຂອງຜູ້ກວດ.
ປະສາດຫົວຄູ່ທີ່ XII (hypoglossal nerve) ຄູ່ປະສາດນີ້ເຮັດໜ້າທີ່ກ່ຽວກັນບການເຄື່ອນໄຫວຂອງລີ້ນເປັນຫຼັກ. ການກວດກາແມ່ນບອກໃຫ້ຄົນເຈັບແລບລີ້ນອອກມາ ນອກ, ບອກຄົນເຈັບໃຫ້ເວົ້າອອກສຽງເປັນສໍານວນ.